Shefi i Grupit Parlament të AAK-së, Besnik Tahiri i ka dal në mbrojtje deputetes së PDK-së, Ganimete Musliu.
Tahiri përmes një postimi në Facebook, ka thënë se ka kritika e mospajtime për qëndrime, por sipas tij kjo nuk legjitimon gjuhën e urrejtjes dhe linçimet mbi personalitetin apo prejardhjen.
“Deputetja Ganimete Musliu është përfaqësuese e popullit, kushtetuta i garanton mos nënshtrim të asnjë mandati detyrues. Fjala e lirë është norma themeltare e demokracisë, aq më tepër kur po flasim për një përfaqësuese të zgjedhur, brenda mandatit. Në shoqëri të hapura dhe demokratike ka kritikë e mospajtime për qëndrime, ashtu siç mund ti kemi shpesh në Kuvendin e Kosovës. Por, kjo nuk legjitimon gjuhën e urrejtjes dhe linçimet mbi personalitetin apo prejardhjen.” – ka thënë ai.
Tutje Tahiri është shprehur se sulmet ndaj Musliut janë paragjykime të madhe që disa njerëz ende e kanë në shoqëri.
“Sulmet ndaj saj dhe gjuha e përdorur tregon paragjykimin e madh që disa njerëz ende e kanë në shoqëri, e që duhet të trajtohet me shumë kujdes. Kjo gjuhë, njëherë e për gjithmonë, duhet të ndalet.” – ka përfunduar Tahiri.
https://www.facebook.com/besnik.tahiri.165/posts/10158940207781611
