Në pyetjen e gazetares së Klan Kosova, Rina Mujku, nëse Mbrojtja pret veprime konkrete nga administrata Trump 2 për Dhomat e Specializuara të Kosovës me seli në Hagë, avokati kryesor i ish presidentit Hashim Thaçi ka folur për punën e vetë Mbrojtjes por jo konkretisht edhe për veprimet e politikanëve.
” Nuk jam në një pozicion të di se çfarë do të bëjë administrata Trump. Detyra ime këtu është që të punoj brenda katër mureve të kësaj Gjykate dhe ta kryej punën time deri sa të më thonë që nuk duhet ta bëj më këtë punë. Kështu që brenda katër mureve të kësaj Gjykate, siç thashë ne besojmë se gjatë procesit është qartësuar dështimi i Prokurorisë për të vërtetuar pretendimet kundër Z. Thaçi. Pra edhe njëherë, nëse gjyqtarët e shohin këtë rast sikurse ne, gjithë çfarë mund të bëjmë është të shpresojmë për rezultatin pozitiv të cilin po e presim në fund të gjykimit”.
