Muaji i shenjtë i Ramazanit fillon nesër për besimtarët myslimanë.
Hoxha Enes Goga me këtë rast foli në emisionin “Kosova Today” në Klan Kosova, duke theksuar se agjërimi, sipas doktrinës fetare islame, është i pranuar vetëm kur bëhet nga një besimtar dhe mysliman.
Ai u shpreh se për të pasur një agjërim të pranuar si adhurim (ritual), është e nevojshme që individi të ketë besimin e duhur (imani), njofton Klankosova.tv.
Por, hoxha shtoi se ata që nuk janë besimtarë, megjithatë, mund të shohin disa efekte pozitive nga agjërimi në aspektin shëndetësor ose personal, por ky akt nuk do të ketë kuptim të plotë si ritual fetar pa besimin dhe imanin e duhur.
“Sipas doktrinës fetare, për të qenë një agjërues i pranuar, individi duhet të jetë besimtar dhe mysliman. Ata që agjërojnë, por nuk janë myslimanë, mund të shohin disa efekte pozitive nga agjërimi, por në aspektin e adhurimit dhe ritualeve, agjërimi ka kuptim vetëm kur është i shoqëruar me besimin e duhur dhe imanin”, tha ai, transmeton Klankosova.tv.
Ndiqni intervisten e plotë, në videon e mëposhtme:
