Pas disa kohësh krejtësisht i shkëputur nga politika aktive, ndonëse për Partinë Demokratike nuk kanë qenë ditët më të mira, Lulzim Basha është rikthyer në takimet politike. Kësaj here është fokusuar te të rinjtë, sipas së cilit i bojkotuan këto zgjedhje për shkak të mungesës së alternativës.
Mirëpo, tashmë që po diskutohet nëse do të rikandidojë për kryetar të PD, Lulzim Basha zgjedh që të mos japë një përgjigje.
Një prej të rinjve e cilësoi si ende kryetar i PD-së, po Basha u kujdes të theksonte se nuk është më i tillë.
“Unë kam dhënë dorëheqjen, t’i lëmë formalitetet. Nuk ka nisur akoma ndonjë fushatë, pra këtu të flasim sa më të relaksuar, ju falënderoj për çdo mbështetje, dua që diskutimi të jetë i relaksuar për rininë, do kemi kohë dhe për të tjerat”, tha Basha.
Ai pati kritika për mënyrën e të bërit politikë, ku tha se ka kohë që nuk mendon për problemet e qytetarëve.
