Zyra e Rregullatorit për Energji (ZRrE) kishte paraparë të enjten të mbajë mbledhjen e radhës. Pak para nisjes ZRrE njoftoi për shtyerjen e kësaj mbledhje, duke mos dhënë arsye, vetëm duke njoftuar opinionin përmes një njoftimi në Facebook.
Paparaci ka mësuar, se ndër arsyet kryesore e shtyrjes së mbledhjes është arrestimi i shefit të KEK-ut, Nagip Krasniqi.
Në rendin e ditës që ishte paraparë në mbledhjen e ZRrE-së një prej pikave ishte edhe shqyrtimi i gjobës për Korporatën Energjetike të Kosovës (KEK).
“Shqyrtimi/vlerësimi i Propozimit për Masë Administrative dhe Gjobë për KEK SH.A;”, thotë pika e 7 e rendit të ditës për mbledhjen e katërt të ZRRE-së për këtë vit.
Burime të Paparacit kanë bërë me dije se është ushtruar presion ndaj ZRrE-së.
“Për shkak të presionit e kanë shtyrë mbledhjen për të mos shqyrtuar gjobën ndaj KEK, për të mos i dhënë arsye prokurorisë ndaj drejtorit të KEK-ut”, tha ky burim për Paparacin.
Kryeshefi i KEK-ut, Nagip Krasniqi u arrestua të mërkurën për shkak të dyshimit se ka kryer veprat: “Keqpërdorimi i pozitës apo autoritetit zyrtar”, “Ushtrim i ndikimit” dhe “Konflikt i interesit”
Dyshimet kanë të bëjnë me kontratat për renovimin e kaldajave së bllokut A5. Kodi Penal i Kosovës këtë vepër e sanksionon me dënim prej 1 deri në 8 vjet burgim.
Në rast se personat zyrtar që kryejnë këtë vepër penbale tejkalojnë shumën e dëmit në 5 mijë euro, atëherë dënimi është me gjobë dhe burgim prej 3 deri në 10 vjet.
