Hoxha Mazllam Mazllami ka reaguar përmes një postimi në Facebook, pasi në internet qarkulloi një video ku ai e quante arnë dhe leckë flamurin kombëtar.
Madje, ai ka ripostuar një video të vjetër në profilin e tij facebook, derisa po festonte 28 nëntorin.
Krahas këtij ripostimi hoxha nga Prizreni, ka thënë se janë të pavërteta lajmet se ai është kundër flamurit kombëtar.
“Video e radhës shfaq të vërtetën e lajmit të sotëm në shumë media se kinse hoxhë Mazllam Mazllami është kundër flamurit kombëtar. Hoxhë Mazllam Mazllami shifet në një video duke festuar 28 Nëntorin, ditën e flamurit. Kjo video përgënjështron lajmet që po qarkullojnë në disa media për të cilat hoxha përmes kësaj video jua jep përgjigjën e duhur”
Mazllami, pas kritikave ndaj të cilit para pesë ditësh u sulmua gazetari Valon Syla, iu bën thirrje myslimanëve që të mos e kosniderojnë të rëndësishëm flamurin për të cilin shumë shqiptarë luftuan, u burgosën, u torturuan e u vranë.
“Kjo është harrën, leckë, bezë. Këta kur e kemi qitë për 28 Nëntorin… Edhe mos me qitë hiç, kurrgja s’bahet kijameti. Populli ynë, populli shqiptar janë muslimanë 80%, e njohin na paganizmin çka është. Na nuk adhurojmë shqiponja, nuk adhurojmë zogj”, thotë hoxhë Mazllami.
