Një ngjarje e rëndë ka ndoshur sot në Vushtrri, ku një pesë vjeçar dyshohet se ka vdekur si pasojë e lëndimeve nga arma e zjarrit.
Rastin për Gazetën Online Reporteri.net e ka konfirmuar zëdhënësi i policisë për rajonin e Mitrovicës, Avni Zahiti.
Ai bëri të ditur se në vendin e ngjarjes është sekuestruar një gëzhojë dhe një pistoletë.
Sipas hetimeve fillestare ngjarja ka ndodhur në oborrin e shtëpisë së fëmijës.
“Rreth orës 17:20, është raportuar se në Spitalin e Vushtrrisë, një fëmijë i moshës 5 vjeçar, është sjellë për ndihmë mjekësore, ndërkohë nga autoritetet mjekësore është bërë e ditur se si pasojë e lëndimeve që dyshohen të jenë nga arma e zjarrit fëmija ka vdekur. Nga hetimet fillestare bëhet e ditur se ngjarja ka ndodhur në oborrin e shtëpisë së fëmijës”.
“Në vendin e ngjarjes është gjetur dhe sekuestruar një gëzhojë dhe një armë e llojit pistoletë. Me urdhër të prokurorit trupi i pajetë i viktimës është dërguar për obduksionin në IML”, tha Zahiti për Reporteri.net.
