Faton Peci, Ministri i Bujqësisë, pas shumë vjetësh e ka marrë seriozisht Ligjin për Duhanin, i cili është në fuqi që nga 2013-ta. Zbatimi i këtij ligji ka filluar që nga 2023-ta, megjithatë në një mbledhje në fundvit të Listës Guxo shkelej me të dyja këmbët.
Peci gjatë së shtunës deklaroi se po e çrrënjos kancerin në Ministri të Bujqësisë. Njësoj, sipas tij, do t’ia bëjë edhe me pirjen e duhanit në hapësira të brendshme.
“Siç po e çrrënjosë çdo ditë kancerin në Ministri të Bujqësisë, çdo ditë do ta çrrënjosë pirjen e duhanit në hapësira të brendshme. Zero tolerancë për konsumimin e duhanit në hapësira të brendshme është zero tolerancë me fjalë e veprim”, deklaroi Peci.
Megjithatë, në trimëri kaq e madhe e Pecit nuk shihej në një tubim të Listës Guxo në një kafiteri, ku prezent ishte edhe kryediplomatja Donika Gërvalla-Schwarz.
Në atë tubim, anëtarë të Listës Guxo e bënin “tymnajë” hapësirën brenda, duke konsumuar duhan.
Peci duket se ndaloi zellin për ultimatum të ndalimit të duhanit kur erdhi në shprehje mbështetja e subjektit politik që përfaqëson.
