Kryeministri i Kosovës, Albin Kurti ka marrë pjesë në një iftar të shtruar nga Oda Tregtare Kosovaro-Turke.
Kurti ka thënë se ky iftar është dëshmi për lidhjet ndërmjet Kosovës dhe Turqisë.
“Edhe ky iftar në të cilin jemi bashkë është dëshmi e lidhjeve ndërmjet Kosovës dhe Turqisë, të cilët ne gjithmonë përpiqemi t’i forcojmë në çdo aspekt. Më lejoni që ta përshëndes edhe një njeri shumë të veçantë, Skënder Janovën, baba i të cilit ka lind në Janjevë e ky tash jeton në Bajram Pasha të Stambollit. Dhe, nuk e lëshon asnjë shanse që të kthehet në vendlindje e të takohet bashkë me ne.”
Ai tutje ka thënë se muaji i Ramazanit është muaj i sakrificës dhe i solidaritetit.
“Muaji i Ramazanit është muaji i sakrificës, edhe i solidaritetit. Zoti ua bëftë kabull të gjithëve. Allahu kabull.” – ka thënë Kurti ka bërë të ditur Zyra e Kryeministrit të Kosovës.
