Një person e ka bërë ‘për spital’ një tjetër në fshatin Rezallë të Skenderajt pasi e ka goditur me një shufër hekuri.
Sipas raportit të Policisë së Kosovës, deri te kjo kishte ardhur pas një mosmarrëveshje që kishin të dy mes vete, ku pastaj, i dyshuari e ka goditur me mjet të fortë dhe i lënduari u detyrua të marr tretman mjekësor.
Rasti është cilësuar si “vrasje në tentativë” dhe me vendim të prokurorit, i dyshuari u dërgua në mbajtje.
“Fsh. Rezall, Skenderaj 05.04.2023 – 11:25. Është arrestuar i dyshuari mashkull kosovar pasi që pas një mosmarrëveshje, e ka sulmuar fizikisht me një mjetë të fortë viktimën mashkull kosovar. Viktima është dërguar për tretman mjekësor. Në vendin e ngjarjes është sekuestruar një shufër. Me vendim të prokurorit, i dyshuari është dërguar në mbajtje”, thuhet në raportin 24-orësh të Policisë.
