Deputeti i Lëvizjes Vetëvendosje, Agon Batusha, në foltoren e Kuvendit e ka cituar deklaratën që Rexhep Selimi e dha në fjalën e tij hyrëse në Gjykatën Speciale.
“Lufta jonë, e popullit tonë, e UÇK-së është e pastër. Të vërtetën e saj e gjejmë në rreshtat e këtij citati: ‘luftën nuk do ta zgjedhnim as si profesione as si pasion’”, tha Batusha.
Pikërisht ky citat ishte thënë edhe nga ish-deputeti i VV-së, Rexhep Selimi, tash i akuzuar nga Gjykata Speciale.
Agon Batusha në fjalën e tij ka kujtuar edhe masakrat e tmerrshme në Kosovë, dhe krimet e aparatit shtetëror serb.
“Nisi në Hagë gjykimi pikërisht në kohën kur ne po kujtojmë masakrat që janë kryer në Kosovë. Është koha kur ne nderojmë dhe kujtojmë viktimat e masakrave të viktimave të panumërta të kryera nga makineria ushtarake serbe. Nuk ka fshat që nuk ka ndodhur të paktën një masakër e tillë. Ka nga ato zona ku numri i martirëve është aq i madh sa nuk i kapërdin mendja njerëzore. Janë të panumërta rastet e orkestrimet çnjerëzore ndaj shqiptarëve, e po aq janë arsyet për rezistencë e mbijetesë.”, tha ai.
“Ajo është e vërteta jonë që duhet të tregohet. Është e trishtueshme që sot janë mbi 1 mijë e 600 të zhdukur që janë zhdukur nga aparatura serbe. 137 varre masive janë gjetur masive. Në Serbi gjithashtu dhjetëra masive janë gjetur të shqiptarëve. Në Serbi ka varre masive të cilat pritet të zbulohen”, deklaroi më tutje Batusha.
