Ne menaxhmetin e Drejtorisë Rajonale të Policisë në Mitrovicë të Veriut ka pasur një ndryshim në pozitën e zëvendësdrejtorit. Kjo pasi Besim Hoti i cili deri më tash ka pasur këtë detyrë tashmë është transferuar, raporton Gazeta Sinjali.
Sinjalizuesi nga Veriu ka bërë me dije për Sinjalin se Hoti tash e tutje do të jetë në Drejtorinë Rajonale në Prishtinë, në stacionin qendra.
Kurse në këtë pozitë tashmë është caktuar Veton Elshani, i cili më herët ka qenë zëvendësdrejtor në Policinë Rajonale në Pejë.
Kujtojmë se para disa javësh Gazmend Hoxha është emëruar drejtor i përgjithshëm i Policisë së Kosovës, vendim ky që miratua nga Qeveria.
