Kryeministri i Kosovës, Albin Kurti ka bërë një reagim në Twitter duke përgëzuar Finlandën, për shkak se u bë anëtarja më e re dhe e 31-ta e NATO-s, pas mbajtjes së ceremonisë së pranimit në Bruksel të martën, 4 prill.
Shefi i qeverisë u shpreh se “ndonëse Kosova nuk është ende një anëtar i NATO-s, çlirimi ynë nga synimi gjenocidal i Serbisë dhe paqja që gëzojmë është gërshetuar thellë në misionin e Aleancës për ruajtjen e lirisë”.
“Në 74-vjetorin e saj, ne shprehim mirënjohjen tonë të vazhdueshme dhe përgëzojmë anëtaren e re Finlandën”, shkroi Kurti.
Aplikimi për anëtarësimin e Finlandës në aleancën ushtarake është nxitur nga lufta e Rusisë në Ukrainë, e nisur më 24 shkurt 2022.
Finlanda ndan një kufi të gjatë, prej mbi 1.000 kilometrash, me Rusinë.
Though ?? is not a NATO member yet, our liberation from Serbia’s genocidal aim & the peace we enjoy is deeply woven into the Alliance’s mission for safeguarding freedom. On its 74th anniversary, we express our continued gratitude & congratulate its new member Finland!
— Albin Kurti (@albinkurti) April 4, 2023
