Aston Villa ka arritur ta mposhtë Chelsean me rezultat 2:0, kështu për ta zbritur në pozitën e 11-të në tabelë, ndërsa vetë për t’u ngjitur në nëntën me këtë fitore të madhe.
Të kaltrit e Londrës po kalojnë një sezon për t’u harruar, dhe tashmë kanë humbur shpresat për pozitat që dërgojnë në garat evropiane, përkundër investimeve të mëdha në dy afatet kalimtare të fundit.
Ndeshja e zhvilluar në Stamford Bridge, ishte nga ato përballje ku njëra skuadër dominon në posedim e krijim të rasteve e nuk shënon, e tjetra shanset më të vogla i konkretizon.
Dy gola u shënuan në këtë takim, nga një për secilën pjesë.
Ishte Ollie Watkins ai që shënoi për epërsinë fillestare prej 1:0 në minutën e 18-të.
Ndërsa për rezultatin përfundimtar u përkujdes John McGinn, i cili shënoi një gol të bukur për 2:0 në minutën e 56-të.
Kjo për Chelsean është humbja e 10 sezonale, aq sa ka edhe fitore, ndërsa ka edhe tetë barazime.
