Arsenali ka shënuar fitore 4:1 në ndeshjen kundër Leeds United në stadiumin “Emirates”, e vlefshme për xhiron e 29-të kampionale në elitën e futbollit anglez.
Serinë e golave e hapi sulmuesi brazilian, Gabriel Jesus në minutën e 35-të me golin nga penalltia.
Dy minuta pasi nisi pjesa e dytë, Ben Ëhite dyfishoi shifrat në të mirë të londinezëve.
Gabriel Jesus u regjistrua sërish në listën e golashënuesve kur shënoi golin e tretë në minutën e 55-të.
Mysafirët tentuan të rikthehen në lojë në minutën e 76-të kur Kristensen shënoi gol të bukur për ta ngushtuar avantazhin e Arsenalit.
Megjithatë, çdo dilemë e shuajti mesfushori shqiptar, Granit Xhaka me golin e minutën e 84-të të realizuar me kokë.
Me këtë fitore, Arsenali ka 72 pikë në vendin e parë, tetë më shumë se Manchester City që ka një takim më pak të zhvilluar.
Leeds United është i 16-ti me 26 pikë të grumbulluara.
