Gjenerali i lartë amerikan, Mark Milley, ka thënë se Ukraina nuk ka gjasa të dëbojë të gjitha trupat ruse nga territori i saj këtë vit, raporton Kyiv Independent, duke cituar një intervistë me Defense One.
Milley, kryetari i shefave të përbashkët të shtabit, u citua të ketë thënë:
“Zelenskiy ka deklaruar publikisht shumë herë se objektivi ukrainas është të dëbojë çdo rus nga Ukraina e pushtuar nga Rusia
Dhe kjo është një detyrë e rëndësishme ushtarake. Detyrë shumë, shumë e vështirë ushtarake. Ju po shikoni disa qindra mijëra rusë që janë ende në Ukrainën e pushtuar nga Rusia.”
Ai shtoi:
“Nuk mendoj se ka gjasa të bëhet në një afat të afërt për këtë vit.”
