Donald Trump do të bëhet ish-presidenti i parë i Shteteve të Bashkuara të Amerikës që do të përballet me akuza penale si pjesë e një hetimi për disa para heshtazi të paguara përpara se të zgjidhej president në vitin 2016, transmeton Gazeta Papirus.
Ish-ylli i pornos Stormy Daniels pretendon se ajo kishte një lidhje të fshehtë me ish-presidentin dhe ishte paguar për ta mbajtur atë të fshehtë.
Trump e ka mohuar me këmbëngulje këtë dhe e ka cilësuar aktakuzën si një “persekutim politik”.
Ai ndodhet në Florida momentalisht, por pritet të dalë të martën e ardhshme para një gjykate në Nju Jork
Nuk është ende e qartë se me çfarë shkeljesh përballet Trump, por mediat amerikane thonë se ai po përballet me më shumë se dy akuza të lidhura me mashtrim në biznes, shkruan BBC.
Republikanët po e quajnë aktakuzën një “shok”, ndërsa demokratët thonë se askush nuk është mbi ligjin./Gazeta Papirus/
