Ylli i Paris Saint-Germainit, Neymar, i ka humbur 1 milion euro duke luajtur poker online të mërkurën vonë dhe reagimi i tij pasi e kuptoi këtë ishte bizar.
Sulmuesi 31-vjeçar aktualisht është jashtë fushës së gjelbër për shkak të një lëndimi, dhe nuk ka luajtur për klubin dhe kombëtaren që nga 19 shkurti.
Neymar po kërkon të mbajë veten të zënë jashtë fushës dhe kurrë nuk është përpjekur të fshehë pasionin e tij për poker. Triku i tij i fundit me letra doli të jetë i paharrueshëm, pasi që ai humbi një shumë të jashtëzakonshme.
Reagimi i tij pasi e kuptoi shumën e parave që i humbi ishte “oh ta hajë dreqi”.
Neymar bëri sikur po qante pasi mori një goditje të madhe financiare, por kishte edhe një buzëqeshje në fytyrën e tij, ndërsa lojtarët e tjerë talleshin me të duke theksuar se ai kishte shkuar “nga një milion në zero euro brenda 60 minutave”.
Gjithashtu u raportua se llogaria e Neymarit në Twitter u hakua të mërkurën mbrëma, ndërsa mbetet për t’u parë se kur do të kthehet në aksion me PSG-në pasi si ekip kanë pësuar eliminim nga Liga e Kampionëve gjatë kohës që ai ishte i lënduar.
