I Dërguari i Posaçëm i Bashkimit Evropian për dialogun mes Kosovë dhe Serbisë, Miroslav Lajçak, ka zhvilluar takime me përfaqësues të Britanisë së Madhe në Londër, përcjell Gazeta Papirus.
Lajçak ndër të tjera i njoftoi ata lidhur me zhvillimet e fundit në procesin e normalizimit të raporteve mes Kosovës dhe Serbisë dhe deklaroi se në Londër pati takime produktive me britanikët, ku përpos dialogut foli me ta për gjendjen në Ballkanin Perëndimor në përgjithësi.
Rikujtojmë se Emisari i BE-së takime me temë të tillë pati edhe një ditë më herët në Berlin të Gjermanisë, takim ky për të cilin ai tha se ishte mjaft produktiv.
Postimi i plotë i tij:
“Sot pata një ditë të plotë takimesh produktive në Londër për të shkëmbyer mendime mbi Dialogun dhe Ballkanin Perëndimor në përgjithësi me Ministrin e Evropës të Britanisë së Madhe, Leo Docherty, miku im i dashur Lord Peach dhe ekipi i Zyrës së Jashtme, Commonëealth-it dhe Zhvillimit.”/Gazeta Papirus/
