Ish-Ministrja e parë e Jashtme e Republikës së Kosovës, Meliza Haradinaj ka reaguar lidhur me deklaratën e ambasadorit të Shteteve të Bashkuara të Amerikës në Beograd, Christopher Hill, përcjell Gazeta Papirus.
Përderisa Hill ditën e martë gjatë një vizite zyrtare në Luginën e Preshevës ka deklaruar se reciprociteti nuk është zgjidhje për dialogun me Serbinë, Haradinaj tha se vetëm reciprociteti në lirinë e asociimit për komunitetin shqiptar në Serbi dhe atë serb në Kosovë do të neutralizojë kërkesën serbomadhe për kompetenca ekzekutive.
Ajo gjithashtu ka kërkuar edhe mbështetjen e Shqipërisë, për ta neutralizuar tendencën e Serbisë për kompetenca ekzekutive në Kosovë.
Postimi i plotë i saj pa ndërhyrje:
“Vetëm reciprociteti në lirinë e asociimit për komunitetin shqiptar në Serbi & atë serb në Kosovë do të neutralizojë kërkesën serbomadhe për kompetenca ekzekutive.
Por pa Shqipërinë zyrtare, ky reciprocitet NUK do të ndodhë.
A është gati Shqipëria?! Me gjasë jo.”/Gazeta Papirus/
