Paga e Ronaldinhos në Kings League që organizohet nga Gerard Pique është zbuluar dhe fansat kanë mbetur të habitur nga ajo që merr braziliani.
Pasi luajti në një sërë lojërash bamirësie, legjenda e Barcelonës dhe Brazilit doli nga pensionimi për të luajtur në këtë turne të vogël, duke bërë debutimin e tij për Porcinos FC – ekipi në pronësi të transmetuesit të Twitch dhe partnerit të biznesit të Piques, Ibai Llanos.
Prezabtimi i Ronaldinhos u njoftua në një skenë tejet të thjeshtë dhe ai u caktua si lojtari i 12-të për Porcinos në një humbje me penallti ndaj Pio FC.
Duke mos dashur ta ekzekutonte një të tillë kur mësoi se ishin penallti të stilit të hokejit, skuadra e Ronaldinhos humbi 3-1.
Një audiencë maksimale prej 2.1 milionë shikuesish ishin në Twitch për të parë ‘R10’ duke i kthyer vitet pas, por rezulton se Ronaldinho nuk po paguhet me shuma të mëdha.
Sipas Business Insider, Ronaldinho fiton vetëm 70 euro si pagë bazë sa herë që luan në turne. Mediumi nxitoi të theksonte se nuk ishte bërë asnjë gabim shtypi dhe asnjë zero nuk ishte hequr.
Megjithatë, më pas vihet re se pjesë e marrëveshjes është që kompania e Piques, Kosmos, t’i paguajë Ronaldinhos një tarifë midis 10,000 dhe 15,000 euro për pjesëmarrjen e tij – gjë që duket e drejtë duke pasur parasysh rritjen e shikuesve që ai sjell si një nga emrat më të mëdhenj të futbollit.
Pique ka thënë gjithashtu se fituesi i Topit të Artë të vitit 2005 do të luajë një rol kyç në zgjerimin e Ligës së Mbretërve, pasi ai dhe Neymar do të jenë presidentë të skuadrave në versionin brazilian. /Telegrafi/
