Gjykata Themelore në Prishtinë e ka caktuar masën prej një muaji arrest shtëpiak për kryetarin e Federatës së Futbollit të Kosovës (FFK), Agim Ademi, nën dyshimin se e ka keqpërdorur buxhetin e federatës së futbollit.
Ademi është duke u trajtuar në Qendren Klinike Universitare të Kosovës qëkur u dërgua atje u prangosur të mërkurën.
Sot më herët, Prokuroria Themelore në Prishtinë kërkoi që Ademi të mbahej në arrest shtëpiak për një muaj, sipas zëdhënëses së Prokurorisë, Laureta Ulaj.
“Ju njoftojmë se Prokurori i Shtetit ka paraqitur kërkesë për caktimin e masës së arrestit shtëpiak ndaj A.A., në Gjykatën kompetente”, tha Ulajt për Nacionale.
Ky kërkesë për miratuar nga gjykata dhe Ademi do të dërgohet në arrest shtëpiak tani.
Ademi, 61 vjeç, u arrestua dje nga policia dhe ndaj tij u mor vendim për 48 orë paraburgim. Në vend se të dërgohej në paraburgim, ai përfundoi në spital.
Drejtori i Kirurgjisë Torakale, Nazmi Kolgeci, tha gjatë ditës së Ademi ka një kontuzion në gjoks edhe se ai do të mbahet në klinikë deri të premten të paktën.
“Gjendja është e mirë, ne mbrëmë e kemi pranuar. Momentalisht, ne nuk mund ta lëshojmë 24 orë, sepse është në pritje të analizave që i ka kërkuar mjeku kujdestar. Kështu që sot ai rri tek ne, prej nesër mund të lëshohet. Por gjendja është e mirë”, tha Kolgeci për Nacionale.
Ademi, 61 vjeç, u arrestua dje nga policia dhe ndaj tij u mor vendim për 48 orë paraburgim. Në vend se të dërgohej në paraburgim, ai përfundoi në spital.
Ademi dyshohet se e ka keqpërdorur buxhetin e shtëpisë së futbollit kosovar dhe tani po hetohet edhe për shmangie tatimore.
“Është arrestuar i dyshuari mashkull kosovar, nën dyshimin se i njëjti ka kryer veprat e cekura duke keqpërdorur buxhetin e FFK-së. Me vendim të prokurorit, i dyshuari pas intervistimit është dërguar në mbajtje. Rasti në proces hetimor”, njoftoi policia të enjten herët.
Javën e kaluar, Ademi u shpall i pafajshëm lidhur me akuzat për detyrim në një rigjykim të tejzgjatur.
Ademi bashkë me Muharrem Ramën akuzoheshin se në vitin 2012 kishin kërcënuar dhe sulmuar të dëmtuarin Dritëro Kadolli, duke i kërkuar t’i jepte 30 mijë euro ose një “BMW X5”.
Prokuroria pritet të ankohet ndaj këtij vendimi.
Shefi i futbollit në vend u përball me autoritetet përsëri dhe në prag të fillimit të një fushatë tejet të rëndësishme të Kosovës në kualifikime për Kampionatin Evropian 2024.
Kosova e nis atë që do të jetë fushata e dytë kualifikuese për një evropian këtë të shtunë me 25 mars përballë Izraelit në Tel Aviv.
Tri ditë më vonë, të martën më 28 mars, dardanët e presin Andorrën në Fadil Vokrri në Prishtinë.
