Punëtorët e kompanisë regjionale “Pastrimi Sh.A” janë duke protestuar edhe sot në kërkim të rritjes së pagave.
Ata kanë shprehur pakënaqësitë e tyre dhe kanë thënë se nuk do të heqin dorë deri në plotësimin e kërkesave.
Nënkryetari i Prishtinës, Alban Zogaj, ka konfirmuar se janë në takim urgjent për zgjidhjen e problemit me punëtorët që po protestojnë.
“Menaxhmenti i Kompanisë “Pastrimi”, dhe Bordi i Drejtorëve u deklaruan se është për ngritjen e pagave meqenëse me kontratën e re të po sa nënshkruar në mes të Komunës së Prishtinës dhe Kompanisë ”Pastrimi”, SH.A, ka një rritje të numrit të klientëve, dhe kjo rritje e numrit të klientëve do duhej të reflektonte në përmirësimin e gjendjes financiare të kompanisë, andaj Menaxhmenti i Kompanisë dhe Bordi i Drejtorëve u zotuan që muajve të ardhshëm të ketë ngritje të pagave në bazë të mundësive-(të hyrave shtesë) të krijuara me kontratën e re.
Në anën tjetër, Sindikata e Pavarur e Punëtorëve, qëndrojnë në qëndrimet e veta që ngritja të bëhet menjëherë dhe që rritja të bëhet sipas kërkesës se tyre .
Megjithatë diskutimet dhe analizimi i gjendjes financiare e KRM ”Pastrimi” SH.A në mes palëve po vazhdon.”, njoftoi dje kompania.
