Në Stamford Bridge sot zhvillohet ndeshja e dytë dhe vendimtare për Chelsean. Të kaltrit takohen me Borussia Dortmund në ndeshjen e kthimit për një vend në çerekfinale dhe janë në disavantazh prej 1:0 nga takimi i parë. Të dy trajnerët kanë publikuar formacionet startuese.
Për Chelsean dhe trajnerin Graham Potter kjo ndeshje është vendimtare. Londinezët po përballen me një sezon jo të mirë në Premierligë dhe shpresa e vetme është një sukses në Ligën e Kampionëve, prandaj fitorja sot është më shumë se një kusht për trajnerin e ardhur nga Brightoni.
Potter ka vendosur që të mos startojë me Mudryk në sulm, ndërsa kjo është 11-shja që e ka vendosur në fushë: Arrizabalaga, Fofana, Koulibaly, Cucurella, James, Kovacic, Fernandez, Chilwell, Sterling, Havertz dhe Joao Felix.
Homologu i tij, Edin Terzic në anën tjetër është kundërpërgjigjur me formacionin 4-1-4-1: Meyer, Wolf, Sule, Schlotterbeck, Guerreiro, Emre Can, Brandt, Bellingham, Salih Ozcan, Reus dhe Haller.
