Ai ka nisur të pagëzohet me emrin arbitri i “La Decima”, gjyqtari që ishte në fushë kur Reali i Madridit ngriti kupën e 10 të kampionëve pas finales ndaj Atletikos së Madridit në Lisbonë. Bjorn Kuipers do të vendosë drejtësinë në një tjetër përballje emocionuese që UEFA ka në program këtë javë, gjysmëfinalen mes Bajernit të Mynihut dhe “galaktikëve
Një arbitër ndërkombëtar që prej vitit 2006 dhe i përzgjedhur tashmë për të qenë mes bilbilave të FIFA-s për Kupën e ardhshme të botës këtë verë, Kuipers shihet si një gjyqtar i influencueshëm.
Shumë tifozë e mbajnë ende mend sesi Kuipers përjashtoi Zllatan Ibrahimovic në Ligën e kampioneve, i rrethuar nga protestat e plot 9 futbollistëve të Celsit. Ndërkohë holandezi ka gjykuar 3 herë Bajernin e Mynihut në Europë. Fillimisht ndaj Napolit e më pas ndaj Mancester Sitit dhe Benfikës, me bilancin 2 suksese të bavarezëve.
