Kryetari i OVL-UÇK-së, Faton Klinaku ka bërë të ditur se ka vdekur ish-luftëtari i UÇK-së, Agron Smajl Haradinaj.
Agroni sipas Klinakut, vuante prej shumë vitesh nga një sëmundje e rëndë dhe trajtohej jashtë shtetit.
“Për ceremoninë e varrimit do të njoftoheni. Në emër të OVL UÇK-së i shprehim ngushëllime familjarëve, bashkëluftëtarëve, shokëve e miqve! Lavdi jetës dhe veprës së tij”, shkroi ai në Facebook.
Përndryshe, Agron Haradinaj është vëllai i Nasim Haradinajt, i cili kishte qenë kryetari i veteranëve të luftës së UÇK-së, derisa u arrestua nga Gjykata Speciale, më 2021.
