Një person ka vdekur dhe tre të tjerë janë lënduar në një aksident trafiku që ka ndodhur mesditën e sotme në fshatin Hodonovc të Kamenicës.
Aksidenti me fatalitet është konfirmuar për IndeksOnline nga Policia Rajonale e Gjilanit.
Zëdhënësi Valon Osmani ka thënë se Drejtoria Rajonale e Policisë Gjilan, Stacioni Policor Kamenicë me datën 24.02.2023, rreth orës 10:43 ka pranuar informacion se në fshatin Hodonovc, Komuna e Kamenicës ka ndodhur një aksident trafiku në mes të dy automjeteve me tabela vendore.
“Hetuesit policorë kanë dalë në vendin e ngjarjes së bashku me ekipin mjekësor dhe njësitin e zjarrfikësve. Si pasojë e këtij aksidenti një person mashkull kosovar rreth moshës 33-vjeçar nuk ka arritur që të u mbijetoj lëndimeve dhe ka ndërruar jetë, vdekjen e të cilit e ka konfirmuar mjekut kujdestar në vendin e ngjarjes. Nga ky aksident edhe tre persona tjerë kanë pësuar lëndime trupore të cilët janë duke marrë trajtim në qendrën emergjente në Gjilan”, ka thënë Osmani për IndeksOnline.
Shkaqet e aksidentit ende janë të pa njohura dhe po hetohen nga hetues policor të aksidenteve.
Lexuesit e IndeksOnline kanë dërguar pamje nga vendi i aksidenti ku shihet se janë përfshirë një kombi dhe një veturë.
Viktima dyshohet se ndodhej në veturë e cila ka përfunduar jashtë rrugës.
