Faqja satirike “PISK” ka realizuar një eksperiment social në Tiranë me rastin e 15-vjetorit të Pavarësisë së Kosovës.
Eksperimenti social është realizuar me qëllim për të parë se si do të reagojnë qytetarët pasi shohin flamurin serb brenda hartës së Kosovës të printuar në një letër, ku shkruan “Kosova është Serbi”.
Nga personi që e ka realizuar këtë eksperiment social qytetarët pyeten nëse mund të ia shkrepin një fotografi, teksa ai mban në duar letrën.
Pjesë e këtij eksperimenti ishin dhjetëra qytetarë të të dyjave gjinive dhe të moshave të ndryshme.
Kamera e fshehur tregon se një pjesë e qytetarëve e realizojnë fotografinë pa e pasur vëmendjen te ajo që paraqitet dhe që shkruan në letër, ndërsa një pjesë tjetër refuzojnë ta bëjnë një gjë të tillë duke thënë se nuk munden dot dhe se “Kosova është Shqipëri”.
