Në kuadër të shënimit të 15-vjetorit të Pavarësisë së Kosovës, të shtunën, në organizim të Federatës së Futbollit të Kosovës dhe Ligës së Veteranëve të Futbollit të Kosovës është zhvilluar ndeshja miqësore e veteranëve, Kosovë – Gjermani.
Pjesë e kësaj ndeshje ishin emrat e njohur të futbollit të Kosovës si dhe yjet e dikurshme të futbollit të Gjermanisë.
Në këtë takim i pranishëm ishte edhe zëvendës-kryeministri i Kosovës, Besnik Bislimi, i cili gjatë intonimit të himnit të Kosovës dhe Gjermanisë nuk lëvizi nga vendi.
Kjo ndeshje u zhvillua në fushën qendrore të Kampit Nacional të FFK-së në Hajvali, në orën 13:00 dhe ishte pjesë e kalendarit të aktiviteteve të MKRS-së për 15-vjetorin e Pavarësisë.
Pjesë e ekipit gjerman ishin emra të njohur, si Felix Magath, Rudi Bommer, Thomas Helmer etj.
