Moti përgjatë javës: Këto temperatura na presin ditëve në vijim

Prishtina Weather, ka njoftuar se gjatë javës në vijim do të ketë mot të thatë me vranësira dhe, në mëngjes me ngrica dhe mjegull ultësirave.

Temperaturat minimale luhaten ndërmjet -4C e -1C, ndërsa maksimalet fillimisht kapin vlera prej 6C e 7C, e deri të premten rriten edhe në 12C.

Njoftimi i plotë:

Mot i thatë me vransira e diell gjatë javës në vijim.  Në mëngjes ngrica dhe mjegull ultësirave

12.02.2023 – Mot i thatë dhe qëndrueshëm, pa mundësi për të reshura parashihet gjatë javës vijuese.  Ditëve të para do të ketë edhe vransira por edhe intervale me diell, derisa nga dita e enjte intervalet me diell do të jetë më të gjata.

Orëve të mëngjesit mbetet ftohtë e me ngrica, ultësirave me kushte edhe për mjegull apo mjegullinë.

Moti më stabil me periudha më të gjata qetësie sidomos orëve të mbrëmjes, mbanë ndotësit ajror më pranë sipërfaqës, e në këto kushte indeksi i cilësisë së ajrit do mbetet më shumë në vlera të dobëta dhe shumë të dobëta.  Vetëm gjatë ditës vende-vende nivelet e ndotësve mund të jenë në vlera të pranueshme.

13.02 – Vransira paradite, gjatë ditës kryesisht me diell.

14.02 – Vransira dhe intervale me diell.  Në mëngjes në ultësira mundësi për mjegull.

15.02 – Pjesërisht vranët paradite.  Intervale me diell gjatë ditës.

16.02 – Kthjellët dhe kryesisht me diell.

17.02 – Kryesisht me diell.  Kohëpaskohe vransira kalimtare.

Temperaturat minimale luhaten ndërmjet -4C e -1C, ndërsa maksimalet fillimisht kapin vlera prej 6C e 7C, e deri të premten rriten edhe në 12C.

Do të fryjë erë e lehtë dhe mesatare nga veriu e verilindja 3-9m/s, nga dita e enjte ndryshon drejtimin në perëndim e jugperëndim.

Shtypja atmosferike vijon me vlera shumë të larta mbi normale, dhe tendencë të rënies graduale.