Policia në Prizren ka kërkuar ndihmën e qytetarëve lidhur me një rast të vjedhjes së rëndë që ka ndodhur më 3 mars të vitit të kaluar në një shtëpi në rrugën “Hazir Tolaj” në këtë qytet, ku dy persona kanë vjedhur një kasafortë me 20 mijë euro.
Policia e Kosovës u kërkon qytetarëve që nëse kanë informacione për identitetin apo vendndodhjen e personave të dyshuar në fotot e bashkangjitur, të lajmërojë Policinë apo të lajmërohet në stacionin më të afërt policor.
“Sektori Rajonal i hetimeve në Prizren ka bërë përpjekje maksimale në ndriçim të veprës penale dhe ka siguruar 2 fotografi nga kamerat e sigurisë, mirëpo deri tani nuk ka rezultuar në identifikim e të dyshuarve”, njofton policia.
Numrat e telefonit dhe adresat elektronike kontaktuese për të kontaktuar Policinë e Kosovës: 192 dhe 080019999 (pa pagesë), E-mail adresa: info@kosovopolice.com.
