Analisti dhe gazetari Ilir Mirena e ka komentuar protestën e sotme kundër Asociacionit, në kohën sa ambasada amerikane mbante takimin për të gjetur mënyrat për themelimin e këtij mekanizmi.
Mirena, duke iu drejtuar kundër-debatuesit, profesorit Sadri Ramabaja, i cili ishte pjesë e protestës, e ka përgëzuar atë për aktivizmin e sotshëm.
Megjithatë, ka thënë se përkrahja ishte e zbehtë
“Z. Ramabaja e përgëzoj që ka marrë pjesë. Është mirë, keni bërë thirrje me dalë në këtë protestë, vazhdoni me dalë, por përkrahja ishte shumë e zbehtë”, ka deklaruar ai.
Analisti ka ironizuar me protestën, duke thënë se protestuesit i dukeshin si luftëtarë të viteve 1930-’40 me ideologji komuniste, që sipas tij protestonin për Stalinin.
“Mu duk sikur do luftëtarë të viteve ’30-’40, asi të Spanjës me ideologji komuniste, që ende dalin protestojnë në vende komuniste. Protestojnë për Stalinin. E përgëzoj z. Ramabaja, vazhdo me këso protesta, sepse siç ka thënë Gandhi, njëherë të injorojnë, pastaj të përqeshin, por dikur s’kanë çare pa të pranu”, ka thënë Mirena.
