Aktivisti i Lëvizjes Vetëvendosje, Rilind Gërvalla është zgjedhur drejtor Radio Televizionit të Kosovës (RTK).
Në media është raportua se Gërvalla është zgjedhur sot drejtor i RTK-së.
Ndërsa për këtë ka reaguar gazetari që mbështet në mënyrë të zjarrtë Vetëvendosjen Gëzim Mekuli, i cili ka thënë se RTK pas 30 viteve ka një profesionist në gazetari.
“Pas 30 vjetëve RTK me një profesionist në gazetari e me një njohës të Rilindjes kombëtare! Rilindi sjell Rilindjen!”, ka shkruar Mekuli në Facebook.
Në anë tjetër, Sekretari gjeneral i Federatës Evropiane të Gazetarëve, Ricardo Guiterrez, sot i ka kërkuar sot bordit të RTK-së që të mos zgjedh drejtor të televizionit kandidatët me lidhje të ngushta me politikën.
Përmes një postimi në Facebook, Guiterrez i ka bërë thirrje bordit që të mos zgjedhin kandidatë me lidhje politike, megjithatë duket se një thirrje e tillë nuk është dëgjuar.
“Sot, Bordi i Drejtorëve të transmetuesit publik të Kosovës do të votojë për drejtorin e Televizionit të RTK-së. I bëj thirrje bordit të RTK-së që të mos votojnë kandidatët me lidhje politike dhe me lidhje direkte dhe të afërta me partinë në pushtet, apo me ndonjë parti tjetër politike. Nëse është e nevojshme, thirrja duhet të rinis, për të gjetur personin më të kualifikuar profesionalisht, që është i pavarur nga fuqia politike”, shkroi mëngjesin e sotëm Guiterrez.
