Ambasadori i Kosovës në Kroaci, Martin Berishaj, i kishte mohuar akuzat për përfshirje në skandalin financiar që u zbulua në Slloveni, ku mediat sllovene raportuan se ai i ka bartur në para kesh rreth 600 mijë euro nga kompania e tij në Mal të Zi për tek politikani slloven. Madje, Berishaj e kishte paditur për shpifje gazetarin e TV Planet në Slloveni, Vitomir Petroviç në Gjykatën e Qarkut të Lubjanës.
Në media vendore sot u raportua se padia e Martin Berishajt ndaj mediumit slloven “Planet TV”, është hedhur poshtë nga Gjykata e Qarkut në Lubjanë.
“I pandehuri në këtë rast është Vitomir Petroviç, për vepër penale kundër nderit dhe emrit të mirë. Martin Berishaj vepron si paditës ligjor. Çështja mbyllet pa fuqi juridike”, thuhet në përgjigjen e Gjykatës së Qarkut në Lubjanë.
Mirëpo, Berishaj përmes një reagimi i ka quajtur “shpifje” raportimet e sotme.
Ai ka thënë se Gjykata e Qarkut në Lubjanë ende nuk e ka pranuar padinë për shqyrtim për shkak se procedura e ankimit ende nuk ka përfunduar.
Postimi i plotë:
Shpifja nuk kalon!
Për çështjen penale në fjalë është ngritur padia ime private kundër gazetarit slloven i cili me dt 21.04.2022 shpifi kundër meje, por Gjykata e Qarkut në Lubjanë ende nuk e ka pranuar padinë për shqyrtim për shkak se procedura e ankimimit ende nuk ka përfunduar
