Rrjetet sociale janë të mbushura me fotografi të personave të ndryshëm, identiteti i të cilëve keqpërdoret duke u publikuar pamje pa aprovimin e tyre. E në shumë prej këtyre rasteve, viktima janë vajzat e mitura, raporton Gazeta Sinjali.
Kështu ka ndodhur edhe në Drenas, ku një person dyshohet se ka publikuar fotografitë e një vajze 13-vjeçare, pa lejen e prindërve të saj.
Sinjali mëson se kjo ka revoltuar babain e të miturës, i cili ka kontaktuar me të dyshuarin dhe të njëjtin ka provuar ta bind që t’i largojë fotografitë në fjalë. Ai lëre që nuk hasi në mirëkuptim, por edhe u kërcënua nga 19-vjeçari i cili refuzoi t’i heq fotot, duke thënë se do ia marrë vajzën deshi apo s’deshi ai.
I riu dyshohet t’i ketë thënë se për 25 minuta e bën gjithë Drenasin ‘kërrsh’, gjë e cila ka bërë që babai i vajzës të denoncojë rastin në Polici.
Si rezultat i denoncimit, i dyshuari është arrestuar dhe është shoqëruar në stacion policor, ku ndaj tij është iniciuar rasti ‘Kanosje’ dhe ‘Ngacmim’.
