Analisti, Ermal Sadiku, ka thënë në Pressing në “T7” se shumë figura publike shkruajnë për like dhe komente nëpër rrjetet sociale, referuar reagimeve për plagosjen e dy të rinjve serbë në Shtërpcë, ditë më parë.
Sadiku e ka dënuar një akt të tillë, por thotë se reagimet pa i pasur të gjitha informacionet kanë për qëllim për të qenë në qendër të vëmendjes.
“Duke e përfshirë edhe vetën shumë reagime po bëhen në moment pa i pasur të gjitha informacionet. Kjo për të arritur më shumë like e komente në rrjetet sociale”, ka thënë Sadiku.
Sadiku po ashtu ka thënë se shqiptarët rrethohen nga disa etni që e sfidojnë ekzistencën e Kosovës.
Ne nuk jemi të rrethuar me danezë dhe suedezë që këto problemet etnike i kanë kaluar vite më parë”, ka thënë Sadiku./Gazeta Papirus/
