Ditë më parë kryeministri i Kosovës, Albin Kurti, ka kërkuar nga NATO-ja shtimin e trupave të KFOR-it në Kosovë.
Kurti tha se rritja e prezencës ushtarake të Aleancës Veriatlantike në vendin tonë do të rriste sigurinë.
“Një rritje substanciale e ushtarëve të NATO-s dhe pajisjeve ushtarake në shtetin tonë do të përmirësonte sigurinë dhe paqen në Kosovë dhe në mbarë rajonin e Ballkanit Perëndimor”, kishte thënë Kurti.
Por, një kërkesë zyrtare nga ana e Qeverisë së Kosovës ende nuk ka.
Kështu bëri të ditur për Klankosova.tv një zyrtar i NATO-s.
“Nuk ka pasur asnjë kërkesë”, thuhet në përgjigje.
Por, organizata më e fuqishme ushtarake në botë thekson se kanë kapacitet të ofrojnë siguri për rajonin e Ballkanit Perëndimor
