Sot rreth orës 18:00 para Klinikës së Gjinekologjisë ka ndodhur një vrasje makabre. Dyshohet se ish-burri ka vrarë gruan e tij shtatzënë.
Gazeta Insajderi mëso nga burimet e sigurta se 35 vjeçarja që u vra nga ish-bashkëshorti i saj është Hamide Magashi, nga fshati Llugaxhi i Lipjanit.
Raportohet se Magashi u qëllua me dy plumba në kokë nga ish-burri.
Burimet e Gazetës tregojnë se ish-bashkëshorten është Sokol Halili, nga komuna e Shtimës.
Si ndodhi rasti makabër
Burimet e Gazetës Insajderi treguan se 35 vjeçarja që kishte qenë e shtrirë në klinik ishte në muajin e nëntë të shtatzënisë.
Ajo iu kishte thënë infermierëve se po dilte deri te kioskat në oborrin e QKUK’së për kishte dalë për të blerë gjëra ushqimore.
Pasi kishte kryer blerjet, ajo ishte ulur për të pushuar pak tek ulëset në oborrin e Gjinekologjisë.
Aty ishte shfaqur ish-bashkëshorti i saj, i cili e vrau me armë zjarri.
