Kompania Rajonale e Ujësjellësit “Gjakova” i ka njoftuar banorët e Rekës së Keqe që mos ta përdorin për pije ujin.
Kompania njofton se për shkak të reshjeve dhe turbullirave, uji mund të përdoret vetëm për pastrim deri në njoftimin e radhës.
Njoftimi i plotë:
Paraqiten turbullira në furnizimin me ujë të pijes në zonën e Rekës së Keqe.
Pas monitorimit dhe mostrave të mara sot në teren në zonën e furnizimit Reka e Keqe, është konstatuar se turbullira e ujit në këtë zonë është paksa e ngritur si pasojë e reshjeve të vazhdueshme dhe uji nuk lejohet për konsum. Turbullira në furnizim me ujë të pijes janë shfaqur në burimin e ujit të “Bjeshkës Babaj Bokës” nga ku furnizohen konsumatorët e zonës.
Andaj ju sugjerojmë konsumatorëve të zonës-Reka e Keqe që ujin ta përdorin vetëm për pastrim, deri në lajmërimin tjetër nga KRU “Gjakova”.
