Komuna e Mitrovicës në bashkëpunim me Kooporatën e Sfidave të Mijëvjeçarit ka bërë renovimin e disa ndërtesave në Mitrovicë.
E materialet e larguara nga çatitë e atyre ndërtesave kanë qenë me përbërje te asbestit, ku së shpejti pritet që ato materiale të deponohen në një hapësirë në Mitrovicë, pasi që Kosova nuk ka hapësirë për asgjësimin e tij.
Por sa paraqet rrezik deponimi i këtij materiale, për FrontOnline, ka treguar njohësi i mjedisit, profesor Sami Makolli.
Ai tha se nëse ai material ”varroset”, sipas procedurave nuk paraqet rrezik.
“Kjo është procedurë e rregullt e izolimit të tij me mbyllë dhe duke e izoluar, kështu vendosen materialet që përbejnë rrezikshmëri siç është asbesti, esenca e izolimit është që mos me pas kontakt me ujërat. Si procedurë edhe shtetet tjera e aplikojnë pasi që është vështirë eliminimi i tij, ai material nuk guxon me ra në kontakt me ujin pasi që uji e largon e qentë në lumenj dhe nëse lagështia hynë nuk është bërë asgjë me izolimin e tij”, tha ai.
Profesori Makolli, tutje tha se nëse asbesti nuk mbështjellët mirë dhe nuk betonohet vendi i deponimit, kjo paraqet rrezik të lartë për qytetarët.
“Nëse vetëm e mbështjell me folje dhe e fute ne tokë nuk është konform rregullores. Nëse komuna nuk e ka betonu vendin dhe mbështjellë mire pastaj prap betonu mbas e ‘varros’ asbestin nuk quhet izolim, vendi duhet të shënohet me një shenjë të dukshme që tregon prezencën e materialeve toksike dhe për gjeneratat e ardhshme. Nëse e kanë izolu dhe materiali i tillë nuk ka kontakt me dheun dhe ujin e tret përbërjen toksike të tij dhe e fut në zinxhirin ushqimor pastaj toksinat depërtojnë në peshqi e produkte tjera që i përdorim ne për ushqim, esenca është që ai mos me pas kontakt me ujin e dheun”.
