Vjedhjet e rënda në biznese të ndryshme përveç që ankthit e pasigurisë te punëtoret, po shkaktojnë edhe humbje të mëdha. Jo gjithmonë të dyshuarit kapen nga Policia, pasi arrijnë t’iu ikin prangave duke qëndruar në arrati. Kështu ka vepruar edhe një i ri në Prizren, i cili dyshohet ta ketë kryer këtë vepër që dy muaj, por e kishte shijuar lirinë deri sot kur u arrestuar, raporton Gazeta Sinjali.
Burimet nga Prokuroria kanë bërë me dije së bëhet fjalë për S.Ç., 27-vjrçar, i cili ka kryer vjedhje të rëndë në depon ‘Nisa Vizion’ në Prizren, në muajin shtator, ku kishte vjedhur gjësende të ndryshme, të cilat më pas i kishte shitur me një çmim shumë të ‘volitshëm’ së vlera e tyre.
I dyshuari u kap pasi Policia e identifikoi dhe e shpalli në kërkim. Pas arrestimit, u zbulua se gjërat që kishte vjedhur ua ka shitur dy personave, ndaj të cilëve është parashtruar kallëzim penal për blerja e gjësendeve të përfituara nga kryerja e veprës penale, në këtë rast nga vjedhja.
Gjatë intervistimit në Polici, i dyshuari kryesor e ka pranuar që e ka kryer këtë vjedhje, e madje ka rrëfyer edhe për vjedhje të tjera, që i ka kryer më herët. Pas përfundimit të dhënies së deklaratës dhe sigurimit të dëshmive të tjera, Prokurori i Shtetit ka urdhëruar ndalimin e tij për 48 orë.
