Cristiano Ronaldo do të donte të përballej me bashkëlojtarin e tij te Manchester United, Casemiro, në finalen e Kupës së Botës “Katar 2022”.
Në një video-intervistë të realizuar me “LiveScore”, portugezi tha se do të ishte një ëndërr po të përballej me Brazilin në finale, transmeton Gazeta Express.
Unë bëra shaka me Casemiron se finalja do të jetë Portugalia kundër Brazilit. Do të ishte një ëndërr, të jem i sinqertë”, tha ai.
“Kupa e Botës është kompeticioni më i vështirë në botë. Unë jam duke e ëndërruar për të. E di se do të jetë e vështirë, por të ëndërrosh është falas dhe unë ëndërroj gjatë gjithë kohës”, deklaroi 37-vjeçari.
Portugalia është në Grupin H, bashkë me Uruguain, Ganën dhe Korenë e Jugut.
Kurse, Brazili është pjesë e Grupit G, aty ku janë edhe Zvicra, Serbia e Kameruni.
