Është burgosur sot një burrë në Angli për vrasjen e gruas së tij vetëm gjashtë muaj pasi ajo lindi vajzën e tyre.
Abi Fisher, 29 vjeç, u gjet e vdekur në një rrugë pranë një fshati në Yorkshire të Jugut në fillim të këtij viti. Ndërsa bashkëshorti i saj, Matthew Fisher, që u dënua me 15 vite burgim, e gënjeu policinë duke thënë se kur i vdiq e shoqja ai ishte zgjuar dhe po kërkonte për të, shkruan The Independent, përcjell Klankosova.tv
Ai tha se ajo ishte e mërzitur një natë më parë sepse do të kthehej në punë si mësuese pas pushimit të lehonisë, dhe me tu vonuar atë natë, ai shkroi edhe në Facebook për gruan e tij.
“A e ka parë dikush Abin? Nëse mundeni, ju lutem më lajmëroni ose thuani që ajo të më japë një unazë?”, shkroi ai.
Lidhur me këtë rast, prokurori, James Lake i tha gjykatës se policia gjithashtu kreu kontrolle në telefonin e të vdekurës ku gjeti shkrime si “pse burri im më urren?” dhe “a ofrohet këshillimi për martesën në NHS?”
Ai tha se makina e Fisherit u pa në CCTV duke u larguar nga Castleford pas orës 04:00 të mëngjesit më 9 korrik dhe u pa duke vozitur përgjatë M62 përpara se të kalonte në Yorkshire të Jugut.
Pas kësaj gjurmët e gishtërinjve të Fisherit u gjetën edhe në shiritin pranë trupit të gruas së tij.
