Ana Brnabiq deklaroi se nuk është optimiste pas bisedimeve të sotme në samitin në Berlin, edhe pse janë nënshkruar tri marrëveshje për mobilitetin në rajonin e Ballkanit Perëndimor.
Siç tha ajo, BE-ja lejon mosrespektimin e marrëveshjeve të mëparshme ndërmjet Beogradit dhe Prishtinës, të cilave edhe BE-ja i ka vënë nënshkrimin dhe “po na detyrojnë të respektojmë dhe të lidhim disa marrëveshje të reja”.
Brnabiq shtoi se në Berlin ka folur edhe me Borrell dhe Lajçak për çështjen e riregjistrimit të targave në Kosovë, dhe ka theksuar se Kurti ka shkelur të gjitha marrëveshjet nga viti 2011, 2016 dhe 2021, si dhe se ka anuluar statusin në mënyrë të njëanshme, targa KS neutrale.
Ata pajtohen që është kështu dhe se duhet të ketë targa neutrale ndaj statusit, por nuk mund të bëjnë asgjë, shtoi kryeministri.
“Është shkatërruese për mua”, tha Brnabiq.
