Presidentja Vjosa Osmani në konferencën për media që pati me presidentin slloven, Borut Pahor foli edhe për Listën Serbe, pas reagimit të tyre të fundit se ata Osmanin “nuk e njohin për presidente”.
Osmani tha se Lista Serbe është shndërruar në përfaqësuese të interesave të organizatave kriminale.
Ndaj kësaj deklarate ka reaguar njohësi i çështjeve politike, Petrit Zogaj, duke thënë që Lista Serbe është në partneritet me Qeverinë Kurti, ndërsa Partia Guxo të cilën e ka themeluar Osmani është në partneritet qeverisës me Qeverinë Kurti.
Sipas tij, Qeveria Kurti-Gërvalla po bashkëpunon me një strukturë kriminale, pra Listën Serbe.
“Presidentja Osmani po thotë qe Lista Serbe përfaqëson krimin e organizuar e jo serbet e Kosovës. Lista Serbe është partnere qeverisëse ne Qeverinë Kurti, e cila është po ashtu ne partneritet qeverises edhe me Listen Guxo, e te cilen Osmani e ka themelu. Pra, sipas Osmanit Qeveria Kurti-Gervalla bashkëpunon me një strukture kriminale, Listën Serbe “, tha ai.
Tutje ai thotë se kjo deklaratë e Osmanit ka vetëm dy arsyetime, ose dëshirojnë ta rrëzojnë vetë qeverinë, ose janë të paaftë të mendojnë përtej deklaratave emocionale.
“Tash, ose dojne me e rrezu qeverinë keta vete, ose janë kaq te paafte qe me mendu dy hapa përtej deklaratave emocionale, pasojat e te cilave as qe munden me i imagjinu”.
