Ramush Haradinaj është rizgjedhur kryetar i Aleancës për Ardhmërinë e Kosovës.
Lajmin e ka bërë të ditur deputetja e kësaj partie, Albana Bytyqi, përmes një shkrimi në Facebook.
Ajo ka thënë se është krenare që me Haradinajn kryetar, partia po forcohet çdo ditë e më shumë.
“Kuvendi i IX Zgjedhor i Aleancës për Ardhmërinë e Kosovës u përmbyll sot me zgjedhjen kryetar të degës, liderin e pashoq, Ramush Haradinaj. Jemi krenarë që me kryetarin Haradinaj, Aleanca po forcohet çdo ditë e më shumë, me vizion të qartë për të ardhmen e me bashkëpunëtorë që japin gjithë potencialin e tyre në zhvillimin e vendit tone”.
“Urime kryetar Ramush Haradinaj, na priftë e mbara!”, ka shkruar Bytyqi në llogarinë e saj.
Ramush Haradinaj ishte i vetmi kandidat për kryetar të AAK-së.
