Ish-lojtari i Trepçës, Rodney Purvis ka premtuar se nëse ndonjëherë do kthehet në Kosovë, i vetmi ekip ku ai do të luaj është Trepça.
Purvis përmes një shkrimi në Instagram tha se po mundohet t’i kthej të gjitha mesazhet që i ka marrë nga tifozët e Trepçës.
Ai shtoi se i vlerëson shumë fjalët dhe urimet që i janë shkruar atij edhe pse nuk mund të ju përgjigjet të gjithëve.
“Falë Zotit kam ardhur mirë në shtëpi. Po mundohen të ju përgjigjem të gjitha mesazheve, por nëse nuk mundem, i vlerësoj shumë të gjitha urimet dhe ju dua shumë të gjithëve. Gjithashtu, nëse ndonjëherë kthehem në Kosovë, Trepça është i vetmi ekip për të cilin do të luaja”, ka shkruar Purvis.
