Beniada me dedikim prekës pas vdekjes së ish-presidentit të Shqipërisë, Bujar Nishani

Ditën e sotme (e shtunë) ka ndërruar jetë ish-presidenti i Republikës së Shqipërisë, Bujar Nishani.

Siç raportohet, ai prej më shumë se një muaji u transferua nga spitali “Shefqet Ndroqi” në një spital në Gjermani për një trajtim më të specializuar, por sipas mjekëve atje ra në gjendje kome dhe fatkeqësisht ishte në një gjendje shëndetësore të pakthyeshme.

Reagimet në rrjet kanë qenë të menjëhershme dhe një të tillë së fundmi e ka bërë edhe mbesa e tij, modelja e ish-banorja e Big Brother VIP, Beniada Nishani.

Në një postim të hedhur në InstaStory, ajo ndau: “Askush nuk vdes në tokë për sa kohë që jeton në zemrën e atyre që mbeten”.

Beniada tregoi për lidhjen me ish-presidentin në BB VIP e po ashtu edhe në disa intervista televizive.

Nishani ushtroi detyrën e Presidentit të Shqipërisë nga 24 korriku i vitit 2012 deri në 24 korrik të vitit 2017.