Dje u raportua për arrestimin e të riut nga Prishtina i cili u prezantua rrejshëm si zyrtar i Ministrisë së Bujqësisë, Pylltarisë dhe Zhvillimit Rural. Me premtime të rrejshme, 27-vjeçari kishte arritur që të përfitojë 19 mijë euro nga një 44-vjeçar.
Burimet e Gazetës Sinjali bëjnë të ditur se personi që ra në prangat e Policisë është Xhevdet Rashiti.
Rashiti i kishte premtuar që do t’i ndihmonte që të fitojë grante bujqësore në vlerë rreth 200 mijë euro, por kjo do t’i kushtonte disa mijëra euro 44- vjeçarit.
Pas arrestimit nga Policia, Rashitit i është caktuar masa e ndalimit në kohëzgjatje prej 48 orësh.
Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.
