Rrugës prej 10 km, mezi i erdhi deri në fund. E disa të tjerë, këtë rrugë zgjodhën mos ta kalojnë në këmbë.
Por, pavarësisht vështirësive, qindra ish-ushtarë të UÇK-së, u mblodhën të enjten në Majën e Pashtrikut në Gorozhup.
Krejt kjo, për ta shënuar përvjetorin e Betejës së Pashtrikut.
Me 26 maj të vitit 1999, një operacioni i koduar si “Shigjeta” nga UCK, për dy javë do të zhvillonte beteja të ashpra me forcat serbe.
E djemtë e UÇK-së, me vonë, do të mbështeteshin me avion bombardues edhe nga NATO.
Por, cilat ishin ngjarjet që i paraprinë kësaj beteje?
Vetëm pak ditë para se gjithçka të fillonte, Bexhet Kuqi nga njësiti special i UCK-së TF0, mori urdhër për t’i zbuluar se ku ndodheshin bazat e ushtrisë serbe.
“Në bashkëpunim me Riza Halilin, kemi filluar prej orës 10 të mëngjesit, dhe i kemi zbuluar të gjitha pikat e shkijeve se ku janë, e që kanë qenë 5 pika kryesore”, Bexhet Kuqi, zëvendëskomandant i Njësisë TF-0.
Kuqi, që ishte zëvendës komandant i në këtë njësit, thotë se në radhët e UCK-së, ishin edhe dy ushtarë anglez.
Madje ka një histori interesante me ta.
E pasi i morën këto baza të ushtrisë, serbe, Kuqi për Tëvë1, ka treguar se çfarë panë brenda tyre.
“Kur jemi futur në kampet e tyre, kemi hasur në gjana shumë të këqija, veshje të femrave që i kanë përdor këtu…”, tha Kuqi.
Ndërkohë, vet komandanti i “Operacionit Shigjeta” Nexhmedin Kastrati, ka treguar për sukseset e fitores në beteje.
“Fitorja ka qenë edhe politike, diplomatike e ushtarake, presoni i këtij operacioni detyroi armikun me nënshkru Marrëveshjen e Kumanovës”, Nexhmendin Kastrati, Komandant i Operacionit “Shigjeta”.
E për ta parë vendin se ku u zhvillua kjo betejë, të enjten këtu erdhën edhe oficerë kroatë.
Në këtë betejë, mbetën të vrarë afër 100 ushtarë serbë ndërsa 300 të tjerë u plagosën. /Gazeta Papirus/
